#አይ_ገጣሚ_ሞኙ
:
:
የገጣሚው ግጥም ሀረጉ ስንኙ
ዘንድሮስ ያስብላል አይ ገጣሚ ሞኙ።
:
:
የዋህን እና ሞኝን ባንድ ላይ ሚያዋዛ
የዋህ የዋህ ሚሸት
ሞኝ ሞኝ የሚሸት
ዛሬስ ግጥም በዛ።
:
:
ተቀጥራ ምትቀር ሴት
ባትመጪም ቅጠሪኝ
ደግሞም የኔ ፍቅር
አትመጪም አውቃለው
ቢሆንም ሳልታክት እጠብቅሻለው።
እያለ ገጠመ እያለ ተቃኘ
አይ ገጣሚ ምስኪን እጅጉን ተሞኘ።
:
:
ማይመጣ ሰው መቅጠር
የሚቀር ሰው መቅጠር
እንደው ምን ይባላል ከሞኝነት በቀር።
:
:
ኮከብ ነው እንትንሽ
ፀሀይ ነው እንትንሽ
ያ እንትንሽ ደግሞ ጨረቃን ያስንቃል
ዘንድሮው ገጣሚው
መሬት እየኖረ
መሬትን እረስቶ ሰማይን ያደንቃል።
:
:
ለተሸከመችው እትብቱ ላለበት ግጥም ካልነቀሰ
ያጠገቡን ትቶ ውበትን ፍለጋ ሰማይ ከጠቀሰ
ሰማይ ካንዣበበ ሰማይ ካንጋጠጠ
ብልሀት ኮስሶ ሞኝነት በለጠ።
:
:
በየግጥሞቹ ቃል እያረቀቀ
በየስንኞቹ ሴት እያደነቀ
ውይ እንትኗ ሲያምር ውይ እንትኗ እያለ
ባንባቢ ምናብ ውስጥ ቁንጅና እየሳለ
ውይ እንትኗስ ይባስ ውይ እንትኗ ደግሞ
ሰውነቷን ሙሉ ባድናቆት ቃል ስሞ
ወረቀት ብዕሩን ብዙ ጊዜ አናድፏል
እራሱን የሚያደንቅ አንድ ግጥም እንኳን ለራሱ ሳይገጥም እየው ዛሬም አልፏል።
:
:
ገጣሚው በሞላ ከራስ በላይ ንፋስ መሆኑን ከረሳ
በስንኝ ቋጠሮ በየግጥሞቹ ሌላ ሰው ካወሳ
ከሞኝነት ውጪ ምን ይባላል እሳ።
:
:
ያለማንም ግፊያ ያለማንም ሽሚያ ሊያፈቅራት አስቦ
ዘንድሮ ገጣሚው ያለ የሌለውን ክፉ ቃል ሰብስቦ
የሚያፈቅራትን ልጅ በርግማን አጥቧትል
ቁንጅናዋን ነስቶ አስቀያሚ እንድትሆን ስለት አስገብቷል።
:
:
የሚያፈቅሯትን ሴት የሚወዷትን ሴት ክፉዋን መመኘት
ከዚህ የተሻለ አይገኝም ሞኝነት።
:
:
ዘንድሮ ...
እንዲ ነው ገጣሚው
እንዲ ነው ስንኙ
አይ ገጣሚ ምስኪን
አይ ገጣሚ ሞኙ።

#ሄኖክ_ብርሃኑ

ለሷ ከሆነ አንድ ሰበዝ

ከሀሳቤ ማዶ
ንግስናሽን ሹሜ በአካል ብቀበልም፡
የአክሊሉን ምስል ካንቺ ጋር ብመስልም፡
በልቤ ግዛት ላይ ደስታ ሰብል ሁኖ፡
ውስጡን አሳምኖ፡
አንቺን አሳድሮ በፍቺው ተክኖ፡
ደስታሽን ስጠብቅ፡
ምላሽሽ ሆነብኝ ካንቺ ዘንድ የሚርቅ፡
ተስፋዬን ድር በላው ሸረሪት ጠላፊ፡
የፍቅር ማር አለ ከውስጥ እንድትጨልፊ፡
ብዬ ገልጫለሁ......፡
የኔ መንገድ መርቶሽ ወደ እኔ
እንድትመጪ ቁሜ እጠብቃለሁ፡
ከጥበቃዬ ጋር የተያዘው ተስፋ፡
ሙሉ እምነት ሰጦኛል ባንቺ እንዳልከፋ፡
አንቺ የፍጥረት ልክ የውስጤ አምሳል ጥግ፡
መሲህን ወክየ እጠብቅሻለሁ ካንቺ ጋራ ላርግ።

እንደግመል ሽንት. . .
____________________
ጓደኛዬ ነው ያስታወሰኝ፤ "የኛ ነገር እንደግመል ሽንት ወደኋላ ሆነ" ብሎ።
የግመል ሽንት ለምን ወደኋላ ይፈሳል? ቸንቸሎው ትንሽ ስለሆነ ነው አሉ።
ግመሎች ሰው ካልረዳቸው በቀር ወሲብ ማድረግ አይችሉም ሲባል ሰምቻለሁ
(አይናለም የጠራሽ የለም!)። ከየት እንደመጣ ግን እንጃ። ሰው የግመል ፒምፕ ለመሆን ፈልጎ የፈጠረው ሰበብ ካልሆነ በቀር ውሸት ነው። ምክንያቱም ናሽናል ጂኦግራፊክ ላይ የሞንጎልያ የዱር ግመሎች ብሎ አይቻለሁ። በዚያ ላይ ደግሞ ሰው ግመልን ከማላመዱ በፊት ማን እያገናኛቸው ተዋለዱና እዚያ ደረሱ? እና ውሸት ነው። ያንን የሚያህል እንስሳ ቸንቸሎው እንዴት ትንሽ ሆነ? አንድ ታሪክ አውቃለሁ ስለሱ፣ እውነት እንደሆን አላውቅም። ፈጣሪ እንስሳትን ሁሉ ፈጥሮ ካበቃ በኋላ ነው ከያሉበት እንዲመጡ አስጠርቶ ቸንቸሎ ያደላቸው አሉ። መጀመሪያ የመጣው አህያ ነበር። First come, first served ተባለና የድሀ እግር የሚያህል ቸንቸሎ ተሰጠው። ቀጥሎ ፈረስ መጣ፣ እሱም ግድንግድ ቸንቸሎ ተሰጠው። እያለ እያለ ሰው መጣ፣ እሱም እስከዛሬ ድረስ ደስተኛ ስላልሆነ እየደበቀ የሚኖርበትን ያህል የተሰጠውን ወስዶ ሄደ። መጨረሻ ላይ በረሀ ለበረሀ ሲዞር የነበረው ግመል መጣ። ፈጣሪ እንስሶቹ ሁሉ የደረሳቸው መስሎት ነበር። ግመልን ሲያይ ደነገጠ። ግመል ጉዱን አላወቀም፣ ድርሻዬን አለ። ፈጣሪም "አይይይ ግመል፣ ምነው ዘገየህ? ካለቀ መጣህ፣ ይቺው ነች የቀረችው!" ብሎ መዳፉ ላይ ትንሽዬ ቸንቸሎ አሳየው።
ግመል ቀወጠው! "አመዳሞቹ እነአህያ ያንን የሚያካክል ወስደው ለኔ ይቺን፣
እንዴ አልፈልግም!" አለ። ፈጣሪም ሊያግባባው ሞከረ፣ "በቃ በረሀ ትዞር የለ፣ የውሃ ጥም መቻያ ሰጥሀለሁ፣ በሱ አካክሰው" ምናምን አለው። ግመል ገገመ። ተናዶ "ትልቅ ቸንቸሎ ነው የምፈልገው፣ ሌላ አልፈልግም" አለና ተናዶ ዞሮ ሊሄድ ሲል ፈጣሪ ተቆጣ።
"ና አንተ!" ግመል አልሰማም አለ። ዞሮ መሄድ ጀመረ። ይሄኔ ፈጣሪ ተናዶ "እናትህን!" አለና ትንሿን ቸንቸሎ ወረወረበት። ቸንቸሎዋም ሄዳ ቂጡ ጋር ተጣበቀች! እናም ሲሸና ወደኋላ ሆነ . . .
ወደኋላ . . . እንደግመል ሽንት . . .

መልካም ቀን ተመኘሁላችሁ

☞ ሠዉ
ምድር ስትፈጠር ለሠዉ ልጅ ተብላ
በመልካም ፌሬዎች አብቦ እንዲሞላ
ስለ እዉነት የሚኖር በነገሮች ሁላ
ትልቅ ሠዉ አክባሪ ከፊትም ከሆላ
ታማኝ ለእምነቱ አንዳይል ወደሆላ
ስግደትና ፆሙን ሁሉን በጠቅላላ
ህሊና እንዲኖረዉ አንዲያሥብ በመላ
ሥምተሠይሞለት-ሠዉ-የሚል መጠሪያ
ሆኖ ካልተገኘ የሠዉ ልጅ አማሣያ
ካለሠበ ለሠዉ ካለተሠማዉ ሀዘን
ከሚባላዉ ዳቦ ካለሠጠ ግማሹን
ካለዉልብሶች መሀል ባይሠጥ 1 ሁለተን
ከሚተኛዉ ፍራሽ ካላሥጠጋዉ ከጎን
ይሄ ሠዉ አይደለም ይለያል ከፍጡራን
ፈጣሪን ማአይፍራ የጣሠ ትዛዙን
ፍርድ ይጠብቀዋል ሲለቅ ምድሪቷን

#የጠፍ_ትውልድ_ልሳን
-
"ሀገራችንን - ኢ ት ዮ ጵ ያ ን
ዳሯን እሳት
መሃሏን ገነት ____ አድርግልን!"
-
ብለን የጸለይነው
ሽቅብ የረጨነው፣...
እንባችንን ቆጥሯል።
ስዕለታችን ሰምሯል።
-
ይኸው በዳር ዳሯ - እሳት እናያለን
ምስክር ይሆን ዘንድ - በገነት እንዳለን¡¡
___________
[ በርናባስ ከበደ ]