በጾም ውስጥ ያለው ኃይል ከራሱ ከጌታ ኢየሱስ ነው። #ኃይለ_ኢየሱስን_እንጠቀም

ጌታችንና መድኃኒታችን ኢየሱስ ክርስቶስ በገዳመ ቆሮንቶስ የጾመው(ማቴ 4) ጾም ለራሱ አስፈልጎት አልነበረም። ግን ደግሞ በዚህ በጾሙ ውስጥ አዳም የወደቀባቸውን 3ቱን አርእስተ ኃጣውእ በማሸነፍ መከታችን ሊሆን ነበር። እነዚህም ሦስቱ አርእስተ ኃጣውእ 1. ሥሥት(አትብላ የተባለውን በመብላት)፣ 2. ትእቢት(አምላክ ሆናለው ብሎ በማሰብ)፣ 3. ፍቅረ ነዋይ(ያልተሰጠውን በመመኘት) ነበሩ። ታላቁ ሊቅ ቅዱስ ዮሐንስ አፈወርቅ "እኔ ሕግና ነቢያትን ለመሻር አልመጣሁም ለመፈጸም እንጂ" የሚለውን የጌታን ቃል ሲተረጉም እንዲህ ይላል፡ "እኛን የሚያስገርመን.. ጌታ ሕግን መፈጸሙ ሳይሆን እኛ ራሳችን ደግሞ ሕግን እንድንፈጽም ስላደረገን(ስላስቻለን) ነው"

ጌታ በጾም ውስጥ ፈተናን ድል ሲያደርግ ለእኛም ጾምን የፈተና ድል መንሻ አድርጎ ነው የሰጠን። ስለዚህም ይህንን ጾም ጌታ አምላካችንን በመማጸን በጸሎትና በቅዱስ ቁርባን በማሳለፍ ፈተናዎችንን ሁሉ ከጌታ የተነሳ ድል በመንሳት ከክብር ወደ ክብር የምናድግበት ይሁንልን።

image

የአብይ ጾም ሁለተኛ ሳምንት ቅድስት ይባላል። በዚህ ሳምንት ስለ እግዚአብሔር ቅድስት ቤተክርስቲያን ልጆቿን ታስተምራለች። እግዚአብሔር ቅዱስ በመሆኑ የተቀደሰ ነገር ያስፈልገዋልና ሰው ሁሉ በቅድስና መንገድ በመመላለስ የክብሩ ባለቤት የመንግስቱ ወራሽ እንዲሆን እግዚአብሔር እኔ ቅዱስ ነኝ እና እናንተም ቅዱሳን ሁኑ በማለት ስለማስተማሩ ሰፊ ትምህርት ይሰጥበታል።

ሰውም መላእክትም፣ ቦታም፣ ዕለትም ለእግዚአብሔር
በእግዚአብሔር ተቀድሰዋል። ቅዱሳን መላእክትና ቅዱሳን ሰዎች የእግዚአብሔርን ቅድስና ተረድተው እግዚአብሔርን በማመስገን ሲተጉ ቅዱሳት ቦታዎችና ዕለታት የቅዱሳኑ ነገር ሲታሰብባቸው፣ ፀሎት ሲደርስባቸው እና ለእግዚአብሔር እና እግዚአብሔር ለቀደሳቸው ቅዱሳን ስም መጠሪያ ሆነው ሲያገለግሉ ይኖራሉ።

እግዚአብሔርን ማየትና የእግዚአብሔር የሆነን ስርዓት መከተል ስለሚያስችል ዕለት ዕለት መልካም በማድረግ ቤተመቅደስ ተብሎ
የተነገረለትን ሰውነታችንን በመጠበቅ ለእግዚአብሔር የተቀደሰ ዕቃ ሆነን መቅረብ እንደሚገባ ይዘከርበታል።

እግዚአብሔር አምላካችን ቅዱስ ነው እያልን በልባችን አምነን በአፋችን መስክረን በተግባር ግን ከቅድስና ርቀን እንዳንኖር እግዚአብሔር እንደቀደሰን እና ልጅነት እንደሰጠን በማመን በተቀደሰ ሁኔታ መኖር ይገባናል። መልካም ጾም

image
About

ስለ አድዋማትና በዓላት በኦርቶዶክስ ተዋህዶ እዚህ ይዘከራሉ።